ابرحل وباخـذ لهفتـي وآخـذ اشواقـي
واببعد عن ْديارك وارّوح مـراح الطيـر
من اليوم بحرق ذكرياتـي مـع اوراقـي
وابطعن خفوق ٍ ناوي ٍ يذكـرك بالخيـر
اباهد خيمـة غفلتـي واطـوي رواقـي
وابرحل ولا ابغى منك عـذر ٍ ولاتبريـر
قتلتي الفـرح يـوم الفـرح لاح بافاقـي
وظلمتي قديم الشوق والله يا.......... ؟؟
خيانتك أعمت ناظري وكسـرت ساقـي
لك الله يـا كسـر ٍ فنـا مالقـى تجبيـر
كذبتي وكذبتـي ليـن زودتـي ارهاقـي
وسرقتي من عيوني الهنا وخانني التفكير
انا اللي على عهـد الوفـا دايـم ٍ باقـي
وغيري على درب الخيانة بتل في السير
طعونك يا ....... تتعب جروحها الراقـي
تخيْل بسهمهـا خافـق المبتـلا وتغيـر
كرهتك كرهتك جد مـن داخـل اعماقـي
كرهت اسمك وصوتك وطاريك بدّ الغيـر
كرهتك كراهـة عينـي لجـرح خفاقـي
مثل كره راعي الطيب لْمجَالس اهل الكير
كرهت الغلا والحب والشعـر واشواقـي
وكرهتك كراهة مدمـن البخـل للتبذيـر
كشفك الولي ليّـه قبـل يدنـي ازهاقـي
وبانت فعولك يوم ربي نوى بـي خيـر
ابرحل قتيـل طعونـي وعمـرك الباقـي
ابرتاح من جرحـي وعنـد الله التدبيـر
ابشّْرك طحتي اليوم من محجـر احداقـي
ولا عاد لـك عنـدي معـزة ولا تقديـر
الإثنين فبراير 18, 2008 4:19 pm